زوجي واهله

[عيوون المها]

السلام عليكم
بنات أنا فمشكله جديده
أنا بعد ماانتقلت مع زوجي للمدينه الي فيها أهلي وأهله صارت أمور كثيره تزعجني بس راح احكيلكم عن اكتر شي مضايقني*
تخيلوا من قبل العيد بيومين مارحت بيتي واذا رحت أخذ ملابس وارجع لبيت اهل زوجي الحين لي اكثر من أسبوعين أنام عندهم فالبيت والسبب ان بيتي شوي بعيد عن بيتهم وأهله كل شوي يدقون يبغونه يوديهم مشاوير والله زوجي ماعد أشوفه من يصحى الين ينام وهو يوديهم كل يوم نفس الموال حتى الاماكن القريبة الي يقدروا يروحوها مشي خلاص صارت بعيده يبغوا زوجي يوديهم والله حتى طلعات مع بعض مانطلع مايجي الليل الا وهو مهلوك من التعب يصحونه من الصباح يروح يقضيلهم المصيبة عمي موجود وولده الثاني موجود بس مايوضوا يودوهم مكان متكلين على زوجي فكل شي حتى وانا حامل والمفروض أراجع بحملي مااروح لان مايمديه يوديني هم طيبين مره والله ماعندي مشكله يوديهم بس للمشكله انهم مايعطوني فرصه اروح مكان حتى بيتي ماعد اروح بطلت احس انه زوجي لنا فتره هو ينام مع اخوانه وانا مع اخواته أحيان حتى اقعد صاحيه لان ماعندي مكان أنام فيه ولاني صرت بعيده عنه وهو اغلب وقته تعبان من الشغل لقيت فجواله برامج دردشة الله المستعان بس واتكلمت معاه وزعلت منه واعتذر واعطاني الجوال واخذله جوال عادي وكلمته ان الوضع مضايقني واني محتاجه اروح بيتي قالي ابشري اليوم ولما دقيت قلتله نروح البيت قال خليها بكرا لان امي تبغى السوق وراحوا السوق ودقيت قلتله ابغا اروح عند صحباتي قالي أنا مع امي تشتري أغراض مايمدي ارجع بدري تعبت من الوضع مره اش اسوي كلمته بس ماسمع كلامي وكل يوم على نفس الموال اش اسوي معاه علشان يفضالي شوي أنا الحين من كم يوم عند أهلي تعبت من القعدة عند أهله اش الحل ؟؟؟

[امونه.~]

الحل انك تصبري عليه لانه الزوجه اذا اصبرت ع زوجها وربي تكبر بعينه...
هذا الكلام بعد فتره من الحياةة...والله يااختي معناتك تهون عن معناة غيرك
نصيحه من اختك الصبر ثم الصبر ثم الصبر...
لكن يااختي التحمل خلق للمراه وليس للرجل...تحملي واصبري ع زوجك
وبالطريقه تجذبينه واجباري يسوي الي انتي تبينه...
بذا الاسلوب يطير منك ويسوي اشياء يجبرك تعصبي فيها..
والله يااختي المعناه معي والحمدلله ارتحت بعد صبر طال لمده سنتين ولكن الحمدلله
زوجي الان ماقول عليه زوجي الاولي كله راجع للمراه هي الي تغير الزوج
وسمعي نصيحتي وسوي الي يقوله عليه ضميرك...وبس.

[اميرة الورد ~]

وانا مع اختي اموونة ربي يحفظها
اصبري ونالي الاجر ودامه طيب معك وزين الحمدلله
انتي اذا رحتي لاهله وتمونين ع خواته قولي لهم بالتلميح عشان لاتحرجينهم اوتحرجين نفسك
قولي والله اليوم لي موعد للحمل ودي اروح واتطمن عالبيبي
او قولي والله زمااان عن بيتي اشتقت له ابي انام فييه
موزين تهجرين بيتك وتروحين بيتهم وتضيقين ع نفسكك
وفوق كذا تنامين مع خواته وهو مع اخوانه بكذا ماراح يكون بينكم حميمية وبيتعود ويصير عادي عنده
انتبهي حبيبتي وحاولي تلمحين لهم
يمكن يفهمون ويقولون لامهم انك تبين تروحين مع زوجك
بعدين حتى لوراحوا معه وانتي بغيتي مشوار خليه يوديك ويوديهم انتي اولى بصراحه
هم عندهم شخص ثاني لكن انتي من عندك
انا مااسلطك عليهم لكن عشانك طيبة سووا كذا
يعني ممكن يخلونه يوديهم يوم يومين بالاسبوع ان كثروا ثلاثة لكن موكل يوم هم هو عنده دوام وزوجه ومسؤلية يعني مايعرفون
ربي يعييينك بصراااحة
وربي يهووون عليييك

[عيوون المها]

والله يابنات ام زوجي وأخواته من أطيب الناس ومااشوفهم الا مثل امي وأخواتي وما ابغا اقسي قلب زوجي عليهم بالذات على عمتي لانها مسكينه عمي متزوج عليها ولاهي مع زوجته وولدها الثاني الله لايبلانا عاق لها ومالي قلب أكسر أنا كمان بخاطرها لكن راح أتكلم مع زوجي مره ثانيه انه نرجع للبيت واذا يبغوا مكان فيوم أنا ماعندي شي يوديهم ماعندي اي مشكله دعواتكم الله يجنن قلب زوجي عليه لانه مهملني مره

[صبورة]

حبيبتي انت كمان لك حق الراحة في بيتك و هذا حق شرعه لك الاسلام ,,,ليش تضغطي على حالك و تنامي منفصلة على زوجك لدرجة اصبح يدردش في الجوال من الفراغ العاطفي اللي عايشوا,,,بيتك انت و زوجك في نفس المدينة لبيت حماك وزوجك عنده سيارة ليش ما تروحي لبيتك و ترتاحي فيه و لما يجيهم مشاوير يتصلون به ويوديهم المكان اللي يحبوه,,,,ويرتاح في بيته احسن من بيت اهله مفصول عنك,,,,و هذي ما فيها عقوق ابدا,,,,,ليش تقعدون في بيت حماك بالايام مع ان لك بيت مستقل و في نفس المدينة و يمكن مسافة نصف ساعة,,,خليه يتكلم مع اهله ويخبرهم انه يحب يرتاح في بيته و لما يعوزوه بيتصلوا فيه,,,,,لازم يتعودوا على ان لكم بيت منفصل,,,,اتخيلي لو عندك اولاد كيف الحال يكون,,,,,

الله يطمن بالك و تولدي بالسلامة ان شاء الله

[مشاعل الدوسري]

السلام عليكم ..

حبيبتي اللي ما فيه خير لاهله مافيه خير لك ..
ادري من كلامك انك مرررررررررررررره عانيتي من بعد زوجك .. عنك و انكم ما تأخذوون راحتكم ابد ..

هي فتره و تعدي صدقيني ..

طيب انا اهل زوجي عندهم سواق و عندهم ولدهم اصغر واحد عنده سياره و رغم هذا ما يرتاحون الا لما زوجي يوديهم
لان زوجي من النوع .. ما يعجل اهله يلا خلصو يلاه وراي شغل يعطيهم راحتهم .. بلسوق ..
عشان كذا يحبون يروحون معاه .. وانا ما اتضايق .. بلعكس .. انبسط و بس ..

[حنين روحي]

لو ان منك جالست معها
وخليته يحط حد يقولهم مثل انا مستعد اوديكم ثلاث ايام في الاسبوع بس والباقي خليه لك
انت حامل ومحتاجه تجلسين معه حتى مشويرك الضروريه مايكون
فاضي مو معقوله الصراحه يعني تبين تتمشين معه تروحين مطعم
مافي مجال ابد يعني من كلامك فهمت انا في كل وقت يوديهم ضروري ومو ضروري
اذا سكتي من البدايه راح يستمرون على كذا خلي يحدد وقت لهم ولك
مو بس انتي حاسه بكذا حتى اهو الدليل الدردشه الي في الجوال
هذ الدليل انه ماحتاجك وانتي محتاجته ومو طول الوقت
نايمه في بيتهم خير ان شاء الله يعني يوم يومين بس لاتعودينه
على بعدك ياقلبي بس خلي كل شي يجي منه عشان مايقلون انتي منحسته
والله يقربك من زوجك ويسعدك يارب

[طيبتي أكبرهمومي]

كلام حنين حلو هذا اللي في بالي أقوله بصراحه
يعني شنو يعني مافي استقلاليه
مشاعل عادات زوجك تختلف عن عاداتها بكثير هذوله ناشبين فيه اربع وعشرين ساعه
نفس حالتي مع الاخت عيون المها بس احسهم يستفزوني مالهم لزمه
ليش مرته ماهي إنسانه حالها حال متزوجين تعيش وتأخذ راحتها ماالومها والله
الله يرزقك الصبر حبيتي

[الجوري ام عزوز]

المها ما لك الا صبر ثم الصبر ثم الصبر

وكلام اختي حنين صح بقوة حطي حد لهم

بس لا تقسين قلب زوجك عليهم لان الدنيا دوراه

[نبع المحبة]

صبري على زوجك خيتوو واعرفي ان اللي فيه خير لأهله فيه خير للناس
والله يعينكم ويألف بينكم يااارب