زوجي واهله

[عيوون المها]

السلام عليكم
بنات أنا فمشكله جديده
أنا بعد ماانتقلت مع زوجي للمدينه الي فيها أهلي وأهله صارت أمور كثيره تزعجني بس راح احكيلكم عن اكتر شي مضايقني*
تخيلوا من قبل العيد بيومين مارحت بيتي واذا رحت أخذ ملابس وارجع لبيت اهل زوجي الحين لي اكثر من أسبوعين أنام عندهم فالبيت والسبب ان بيتي شوي بعيد عن بيتهم وأهله كل شوي يدقون يبغونه يوديهم مشاوير والله زوجي ماعد أشوفه من يصحى الين ينام وهو يوديهم كل يوم نفس الموال حتى الاماكن القريبة الي يقدروا يروحوها مشي خلاص صارت بعيده يبغوا زوجي يوديهم والله حتى طلعات مع بعض مانطلع مايجي الليل الا وهو مهلوك من التعب يصحونه من الصباح يروح يقضيلهم المصيبة عمي موجود وولده الثاني موجود بس مايوضوا يودوهم مكان متكلين على زوجي فكل شي حتى وانا حامل والمفروض أراجع بحملي مااروح لان مايمديه يوديني هم طيبين مره والله ماعندي مشكله يوديهم بس للمشكله انهم مايعطوني فرصه اروح مكان حتى بيتي ماعد اروح بطلت احس انه زوجي لنا فتره هو ينام مع اخوانه وانا مع اخواته أحيان حتى اقعد صاحيه لان ماعندي مكان أنام فيه ولاني صرت بعيده عنه وهو اغلب وقته تعبان من الشغل لقيت فجواله برامج دردشة الله المستعان بس واتكلمت معاه وزعلت منه واعتذر واعطاني الجوال واخذله جوال عادي وكلمته ان الوضع مضايقني واني محتاجه اروح بيتي قالي ابشري اليوم ولما دقيت قلتله نروح البيت قال خليها بكرا لان امي تبغى السوق وراحوا السوق ودقيت قلتله ابغا اروح عند صحباتي قالي أنا مع امي تشتري أغراض مايمدي ارجع بدري تعبت من الوضع مره اش اسوي كلمته بس ماسمع كلامي وكل يوم على نفس الموال اش اسوي معاه علشان يفضالي شوي أنا الحين من كم يوم عند أهلي تعبت من القعدة عند أهله اش الحل ؟؟؟