واخيراً ولدت ولله الحمد...

[الدبدوبه]

مرحباً اخواتي
في يوم 20/1 حسيت بطلوق خفيفه تجي وتروح المهم تحملت وبالليل حسيت انه خلاص الولاده قربت..كنت عند اهلي ودقيت على زوجي وطيران للمستشفى بعدها دخلت (يوووه وجعني رأسي تذكرت)
المهم تعسرت الولاده وانا ماتحملت مغير صيااااح وجتني رجفه عجيبه وقويه بالنهايه قالت الدكتوره على غرفه العمليات..
ركبوا المغذيات وهالابر والقسطره كل هذا ومعي طلوق والبواسير ناار شي فضيع صراحه..كان زوجي معي وانا صيااح حسيت اني بموت والله اناظره وانا اودعه..المهم حطوني على السرير..قسم بالله حسيتهم انانين مجلسيني على عربيه والقصطره مركبه. والبواسير متهيجه.آي..ثم وصلت غرفةالعمليات وقالوا يالله ارقي السرير..ويالله ارقى واصيح..
المهم حطوني وقعدوا يحوسون في اغراضهم وانا صراخ خدروني
شوي جاني دكتور التخدير قالي قولي الله يوفقكم
قلتها وبعدهااا خلااااص ماحسيت الا وانا بالغرفه وانفض بردانه وعندي زوجي
والوجع اه...جسمي كله منهد..وهو مبسوط ويوريني بنته قلت مابي مابي اشوفها...بعدها جتي امي فديتها..
وجلست 5 ايام في المستشفى..ايام قرررف وتعب وشي لايطااق..
وعقبها رحت بيت اهلي...والحين لي 19 يوم..
الحين عاد عندي كم سؤال...
الى الان احس بآلام وونغز في جرحي وبرضو احس جرحي يابس وشاد علي هل هذا طبيعي؟
الكحه ذبحتني..الكل يقول طبيعي من البنج بس صراحه طالت السالفه..كل ماكحيت طلعت روحي وجرحي اخاف عليه؟
وش احط على جرحي عشان يطيب بسرعه.. ناس تقول مره وناس خواجوا وميبو...مع العلم انه كبس والخيوط داخليه..يعني مارحت للدكتوره ولاسحبت مني خيوط لانها تقولي انها حطت داخليه تذوب مع الوقت..اتمنى فهمتوا علي؟
بالنسبه للجرح الداخلي متى يلتألم وكيف ادري انه التأم؟ يعني بشوف الخيوط او كيف؟
الحين لي 19 يوم وينزل معي شي وردي ع بني كأنه وسخ واحيان ابيض هل هذا طبيعي؟

[دلـــوعــه عـــــبوديـ]

الحمدلله ع سلامتك والف مبروك ع بنوتك
انا ولاده قيصري من 3شهور الجرح اذا يالمك ترا من الحر يمكن تكوني معرقه عشانكذا ياالمك
ميبو انصحك فيه الخيوط داخليه ماراح تشوفيها ابدا
انا ماطهرت ع طول يمكن جلست 50يوم ماطلع دم كثير بس بني يطع
اتمنى افدتك

[Om KHaled]

الحمد لله على سلامتك اختي
ومبروك ما جبتي
ابغا اسالك
ما اعطوكي شيء بالمستشفى يعني ادوية تلتأم الجرح ..؟؟

[em adam]

الف مبروك ع ولادتك حبيبتي
يلي بيصير معاكي اشي طبيعي صار معي لما ولدت بس انا اعطوني من المستشفى كريم بحطو ع خيوط ( القطب ) ولحالهم نزلو مع الوقت.
وهاده لكريم بيبس لخيوط ومع المي وانتي تتحممي بينزلو لحالهم وع الدم عادي طبيعي واحيانا راح ينزل منك متل شقفات دم صغيره كمان طبيعي لل 40 يوم وانتي بعدك 19يعني لا تئلئي ...
بتمنى اكون افدتك والف مبروك :)

[فليك]

الف الحمدلله على سلامتك يا غاليه
اهم شي اهتمي بالجرح , و الكحه لازم تاخديلها علاج من دكتورتك و برضو الاكل له دور للحكه انتبهي لاكلك ممكن في شي معيين ...
اجر و عااافيه يارب

[سرووءة]

الف الحمدلله عسلامتك
والف مبروك
وانا مااقدر افيدك لاني بكرية
انشالله البنات يفيدونك
^^

[خجل*أنثى]

مبرووووك والحمدلله ع السلااااامه..
ماعندي خلفيه ع أسئلتك حبوووبه..

[موزه فوشيه]

اول شي الحمدلله على السلامه

أنا مثلك ولد قيصري بس الحمدلله على كل حال

الجرح يبيله رااااااااااحه لا تحطين عليه شي انتبهي بس حطي حواليه مره عشان مايستشم
الخيوط ماراح تشوفينها لا داخل ويبيلك شهر ونص الى ما يالتام الجرح الخارجي اما اللي داخل يبيله 6 شهور على الاقل

وانتي حاولي ما تتالمين كثير يعني طنشيي الألم والكحه حاولي تمسكين نفسك واضغطي على مكان الخياط حتى ماينفتح
وبعد الضحك امسكي بطنك والعطسه بعد

وانتبهي انتبهي لا تربطين بطنك ولا تسوين رياضه الا بعد6شهور عشان الخياط الداخلي

وتدفي زين مرررره عشان البرد

والله يهون عليك يارب هذا اللي من تجربتي مع القيصري مع انه صار لي 4شهور بس الى الحين يالمني اذا نمت على بطني او ضحكت كثير
ولااقدر اشيل الأغراض
والحمدلله على كل حال

[يمكـ دروبي]

الحمد لله على سلامتك ..
والف مبروووووووووووك يا الغلا

[ام الدلال]

السلاااام عليكووووم اختي
اذا طلعتي من المستشفى لازم يصرفون لك مرهم ويعطوووونج غيار للعمليه
تبدلينها كل يومين او تروحين لاقرب مركز صحي قريب لبيتكم تغير لج
اذاب طنج ياأختي كبير ومدلي حاولي تنامينعلى ضهرج وتهووووين المنطقه على شان تنشف
خليهاهاااا ناشفه على طول
واذا نايمه وماعندك احد ارفعي ملابسك تنشف طبيعي
واذا ماعاطوج اذويه انصحج بميبوووو بالنسبه للخيوط هذي قديمه الحين العمليات كلها كبس زي ماقلتي
انتبهي من الحركات الغلط او السريعه عشان ماتحسي بألأم
وبالنبسبه للي ذكرتيه هاذي كلها طبيعيه
بس عليج بأدويه النفاس
عشان ترجعين زي اول واحسن والاكل الصحي للرضاعه
اتمنى اكون افدتج ومبرووووووووووووووك ماجاس والحمدلله ع السلامه